Accessibility links

Azərbaycan alpinisti Himalayda həlak olub


Murad Aşurlı Everest zirvəsində

Murad Aşurlı Everest zirvəsində

Azərbaycan Alpinizm Federasiyası böyük hüznlə tanınmış alpinist Murad Aşurlının faciəvi şəkildə həlak olduğunu bildirir.

Faciə oktyabrın 21-də Muradın Himalay dağlarında Ama Dablam zirvəsini uğurla fəth etməsindən sonra baş verib.

Zirvədən enərkən məlum olmayan səbəblərdən əsas kəndir qırılıb və alpinist 300 metr aşağıya uçaraq qayaya çırpılıb.

Azərbaycan Alpinizm Federasiyası bildirir ki, Murad Aşurlının simasında Azerbaycan Everesti fəth edən azsaylı alpinistlərindən birini və Ama Dablam zirvəsini, Pamirin ən yüksək zirvəsi olan Muztaqatı (7546 m., Çin) və Mərkəzi və Cənubi Amerikada 13 başqa zirvəni fəth etmiş yeganə alpinistini itirib.

Ekspedisiyanın başlamasından əvvəl Murad “Finding your Everest” (“Öz Everestinin axtarışında”) adlı kitabı üzərində işi yekunlaşdırıb. Kitab yaxın gələcəkdə ABŞ-da dərc ediləcək.

XS
SM
MD
LG