Accessibility links

Müsəlman Qardaşları partiyasının rəhbərlərinin həbsləri davam edir


Misir rəsmiləri Müsəlman Qardaşları partiyasının daha bir yüksək səviyyəli üzvünü həbs edib. Prezident Məhəmməd Mürsinin devrilməsindən sonra partiya üzvlərinə qarşı təziqlər davam edir.

Rəsmilər bildirir ki, Müsəlman Qardaşları partiyasının siyasət idarəsinin rəhbərinin müavini Əssam Əl-Ərian Qahirədə öz evində həbs edilib.

Cənab Mursi daxil olmaqla partiyanın yüzlərlə rəhbəri iyul ayından başlayaraq həbs edilib. Onlara qarşı zorakılıqa təşviq maddəsi ilə ittiham irəli sürülüb. Devrilmiş liderin tərəfdarları kütləvi aksiyalar keçirərək, hakimiyyətin bərpasını tələb ediblər. Bəzi nümayişlər zorakılıqlarla nəticələnib.

Əsasən müsəlmanlar olmaqla mindən çox insan qarşıdurmalar zamanı həlak olub.

Cənab Mursi iyun ayında insan ölümülə nəticələnmiş zorakılıqlara təşviq etməkdə ittiham edilir. Onun məhkəməsi noyabr ayının 4-də başlamalıdır.
XS
SM
MD
LG