Accessibility links

Müsavat Partiyasının Tərtər rayon təşkilatının sədr müavini həbs edilib


Musavat Partiyasi
Musavat Partiyasi

60 yaşlı hüquqşünas xuliqanlıqda ittiham edilir. O ittihamları rədd edir

Müsavat Partiyasının Tərtər rayon təşkilatını sədr müavini, 60 yaşlı hüquqşünas Xaqani Məmmədov xuliqanlıq ittihamı ilə həbs edilib.

O, iyulun 23-də baş vermiş insidentlə əlaqədar cinayət məsuliyyətinə cəlb edilib.

Müsavat Partiyasının hüquqşünası Elman Fəttah Amerikanın Səsinə bildirib ki, həmin gün Məmmədov öz ofisinə gəldikdə onu bir qrup qadın qarşılayıb. “Məmmədov onları içəriyə dəvət edib. Ofisə daxil olan qadınlar ona hücum çəkiblər və “müxalifətçi” adlandıraraq təhqir etməyə başlayıblar. Bunun təxribat olduğunu anlayan Məmmədov 102 nömrəli telefonla polisə zəng edib. Bundan sonra qadınlar ofisi tərk ediblər. Elə həmin gün o, polisə şikayət edib. Lakin Məmmədovun özü xuliqanlıq ittihamı ilə saxlanılıb. Tərtər rayon Məhkəməsi polisin Məmmədovun həbsi haqqında təqdimatını təmin etməyərək, ev dustaqlığı ilə kifayətlənib.

Bundan sonra prokurorluq məhkəmənin qərarına etiraz edib və avqustun 2-də Gəncə Apellyasiya Məhkəməsi ev dustaqlığı haqqında qərarı ləğv edərək, Məmmədovu 2 ay müddətinə həbs edib”.

Fəttah hesab edir ki, Məmmədov siyasi motivlərlə təqib olunur.

Prezident seçkilərində Məmmədov Demokratik Qüvvələrin Milli Şurasının namizədinin seçki qərargahının rəhbəri olub.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG