Accessibility links

Asta sür maşını, amandır, sürücü!


Səsin təsirindən qaçmaq mümkün deyil. Səs hər şey deməkdir. Səs hər yerdə-evdə, əyləncədə, istirahətdə, hətta maşında belə böyük təsir gücünə malikdir. Yüksək səs yorucu olmaqla yanaşı, karlığa belə səbəb ola bilər. Yüksək səs çox vaxt insanların pis eşitdiyini bilməsini qeyri-mümkün edir.

Maşını idarə edərkən musiqi dinləmək populyar bir fəaliyyətdir. Musiqinin səsi maşının necə idarə edilməsinə təsir göstərir. Musiqinin növü sürücüyə pozotiv və neqativ təsir göstərə bilər. Araşdırmaların nəticələrinə görə, musiqi sürücünün davranışını dəyişə bilər.

Zərb alətləri və ağır metal janrında musiqi sürücüyə aqressiv təsir bağılaya bilər. Klassik musiqinin təsiri isə bunun tam əksidir. Aqressiv sürücülük daha çox gənclər arasında müşahidə edilir. Musiqinin yüksəkliyi və tempi də əsas faktorlardandır.

2002-ci ildə İsrail alimlərinin apardığı araşdırmalar musiqinin sürücünün sürəti artırmasına yol açdığını və qəza riskini artırdığını aşkar edib. Ritmik musiqi dinləyənlər 2 dəfə artıq qəzaya düşür. Onlar qırmızı işığı 2 dəfə artıq keçir. Musiqinin səsinin yüksəkliyi sürücünün diqqətini yayındırır.

Alimlər maşın idarə edilərkən həzin melodiyaların dinlənməsini məsləhət görür.
XS
SM
MD
LG