Accessibility links

Kənd sakinləri ilahiyyatçı Taleh Bağırzadənin və “hicab məhbuslarının” azad edilməsini tələb edirlər


Aprelin 1-də Nardaran kəndinin mərkəzində İmam Hüseyn meydanında dünən həbs edilmiş ilahiyyatçı Taleh Bağırzadənin və “hicab məhbuslarının” azad edilməsi tələbi ilə etiraz aksiyası keçirilib.

Yüzlərlə aksiya iştirakçısı Bağırzadənin qanunsuz həbsi ilə bağlı qəzəblərini ifadə edərək, bunu “oğurluq” adlandırıblar. Onlar hakimiyyətdən məktəblərdə hicabın qadağan edilməsinə qarşı etiraz aksiyalarında iştiraka görə həbs edilmiş din xadimlərinə və inanclı insanlara qarşı repressiyalara son qoymağı tələb ediblər.

Aksiya iştirakçıları həmçinin “Amerikaya ölüm!”, “İsrailə ölüm!”, “Rədd olsun korrupsiyaya uğramış Azərbaycan məmurları!” şüarları səsləndiriblər.
Aksiyaya polis müdaxilə etməyib.

İlahiyyatçı Bağırzadə martın 31-də saxlanılıb və ona qarşı qanunsuz narkotik saxlamaq ittihamı irəli sürülüb.
XS
SM
MD
LG