Accessibility links

Prezident iqtisadi islahatlar üzrə köməkçi təyin edib


Natiq Əmirov

Natiq Əmirov

Prezident İlham Əliyev Natiq Əmirovun Azərbaycan Prezidentinin İqtisadi islahatlar üzrə köməkçisi təyin edilməsi haqqında sərəncam imzalayıb.

N.Əmirov bundan öncə vergilər nazirinin birinci müavini idi.

N.Əmirov 1967-ci ildə Dəvəçi (indiki Şabran) rayonunda anadan olub. 1990-cı ildə N.A.Voznesenskiy adına Leninqrad Maliyyə-İqtisad İnstitutunu iqtisadçı ixtisası, 1998-ci ildə Elmi-Təhsil Mərkəzi Təfəkkür Universitetini hüquqşünas ixtisası ilə bitirib.

Əmirov 1991-ci ildən vergi sistemində çalışır. O əvvəlcə Sumqayıt şəhərində sonra isə Baklıda müxtəlif vergi departamentlərində məsul vəzifələrdə işləyib.

2001-2003-cü illərdə Azərbaycan Vergilər Nazirliyi iri Vergi Ödəyiciləri ilə İş Üzrə Departamentin rəis müavini, 2003-2005-ci illərdə Vergilər Nazirliyi İqtisadi Təhlil və Uçotun Təşkili İdarəsinin rəisi, 2005-2009-cu illərdə isə vergilər nazirinin müavini vəzifələrində çalışıb.

Prezidentin 4 mart 2009-cu il tarixli sərəncamı ilə Vergilər nazirinin birinci müavini vəzifəsinə təyin edilib.

XS
SM
MD
LG