NATO rəsmən Monteneqro dövlətini ittifaqa qoşulmağa dəvət edib.
NATO-nun Baş katibi Yens Stoltenberq bu haqda acıqlamanı alyansın xarici işlər nazirləri ilə görüşündə verib. O bu addımı bir vaxtlar Yuqoslaviyanın bir hissəsi olan dövlət üçün tarixi nailiyyət adlandırıb.
ABŞ Dövlət katibi Con Kerri Brüsseldə jurnalistlərə müsahibəsində bu addımı alqışlayıb.
Monteneqronun Baş nazirinin müavini İqor Luksik Brusseldə NATO toplantısında çıxışı zamanı dəvəti xalqı üçün böyük şərəf adlandırıb və bunun doqquz il bundan əvvəl müstəqillik qazanan ölkə üçün tarixi bir mərhələ olduğunu deyib.
O deyib ki, Monteneqronun nailiyyəti digər Balkan dövlətləri üçün yaxşı xəbərdir, çünki bu, bütün regionda təhlükəsizlik və sabitliyin gücləndirilməsi deməkdir.
Rusiya Monteneqronun ittifaqa qoşulmasına açıq şəkildə etiraz edib. Monteneqro Rusiya üçün həm istirahət, həm də xarici investisiya baxımından əlverişli yer hesab edilir.