NATO Müəmmar Qəzzafinin səkkiz hərbi gəmisini məhv edib

NATO dünəndən başlayaraq Müəmmar Qəzzafinin qüvvələrinə aid səkkiz hərbi gəmini hava hücumları nəticəsində məhv edib. NATO açıqladığı bəyanatda hərbi gəmilərin Tripoli, Sirt və Əl Khums şəhər limanlarında vurulduqları bildirir. Müttəfiq qoşunların Liviyadakı əməliyyatlara dair komandan müavini Russel Harding bildirib ki, Qəzzafiyə sadiq qüvvələrin minalama əməliyyatları həyata keçirməsi və dəniz qüvvələrindən istifadəni genişləndirməsi NATO-nu həlledici qərar çıxarmağa vadar edbi. Şahidlər partlayış eşitdiklərini və Tripoli dəniz limanından tüstü qalxdığını gördüklərini bildiriblər.