Liviya rəsmiləri və həkimlər Tripolidə NATO təyyarələrinin hava hücumları nəticəsində iki nəfərin həlak olduğunu bildiriblər. Şahidlər bir neçə geniş miqyaslı partlayışın paytaxtı silkələdiyini bildiriblər. Liviya hökumət rəsmiləri azı dörd raketin Müəmmar Qəzzafiyə məxsus binanı hədəf aldığını bildiriblər. Budan başqa, Livya dövlət televiziyası Şimali Koreyanın Tripolidəki səfirliyinin NATO hücumları zamanı zədələndiyini nümayiş etdirib. Bu arada Britaniya Liviya müxalifətçilərini Londonda ofis açmağa dəvət edib. Baş nazir Deyvid Kameron bu qərarı Liviya müxalifətinin Milli Keçid Şurasının lideri Mustafa Abdel-Cəlillə keçirdiyi görüşdən sonra elan edib.
NATO Tripoliyə hava zərbələri endirib
Şahidlər bir neçə iri partlayışın paytaxtı silkələdiyini bildirirlər