Accessibility links

Moskvada müxalifətin Nemtsovun xatirəsinə yürüş keçirməsinə icazə verilib


Rusiya rəsmiləri müxalifət liderlərinə prezident Vladimir Putinin siyasəti və Ukraynada müharibəyə qarşı etiraz nümayişinə çağırandan sonra dünən gecə qətlə yetirilmiş müxalifət lideri Boris Nemtsovun xatirəsinə bazar günü Moskvada yürüş keçirilməsinə icazə verib.

Müxalifətin əvvəlləcədən planlaşdırdığı yerdə keçiriləcək yürüş Moskva şəhər rəsmiləri tərəfindən sanksiyalaşdırılıb.

Rusiya müxalifət lideri Boris Nemtsov cümə günü axşam Kreml yaxınlığında körpünü keçdiyi zaman güllə ilə vurulub öldürülüb. Rusiyanın daxili işlər nazirliyi Nemtsova dörd dəfə atəş açıldığını bildirib.

Qətlə yetirilməzdən bir neçə saat öncə Rusiyanın “Exo Moskvı” radiosuna müsahibə verən Boris Nemtsov Moskva sakinlərini bazar günü Rusiyanın Ukraynada təcavüzü əleyhinə nümayişə qatılmağa çağırmışdı.

Ukrayna prezidenti Petro Poroşenko Nemtsovun qətlini pisləyərək, müxalifət liderinin Ukrayna və Rusiya arasında “körpü” rolunu oynadığını deyib.

Dünya liderləri Rusiya müxalifət liderinin qətlini qınayan bəyanatlarla çıxış edib.

ABŞ prezidenti Barak Obama qətli qınayarq, Rusiyanı hərtərəfli və qərəzsiz təhqiqat aparmağa çağırıb.

Rusiya prezidenti Vladimir Putinin sözçüsü cinayətin sifarişli qətlə bənzədiyini deyərək, onun təhrikçi xarakter daşıdığını bildirib. O, Kremlin təhtiqaqata nəzarət edəcəyini deyib.

XS
SM
MD
LG