Nigeriya prezidenti Muhammadu Buhari bildirib ki, yaraqlı qrupu Boko Harama qarşı regional birgə işçi qrupu bu ayın sonu fəaliyyətə başlayacaq.
Cənab Buhari Amerikanın Səsinə müsahibəsində Nigeriyanın bu işçi qrupuna başçılıq edəcəyini deyib və Çad, Niger, Benin Respublikası və Kamerunun qoşunları yaraqlılara qarşı mübarizə etmək məqsədilə səfərbər ola biləcəklərini bildirib.
Nigeriyanın şimalında dəstəklənən cənab Buhari Boko Harama qarşı mübarizədə bəzi irəliləyişlərin əldə olunduğunu desə də, yaxın zamanlarda qrup üzərində qələbə qazanılacağı barədə əvvəlcədən bir söz deməyib.
Cənab Buhari artıq dördüncü gündür Vaşinqtonda səfərdədir. O, ABŞ Dövlət katibi Con Kerri və Konqres üzvləri, habelə ABŞ-da yaşayan nigeriyalılarla görüşüb.
Nigeriya lideri bu həftənin əvvəli Ağ Evdə prezident Barak Obama ilə görüş keçirib. Görüş zmanı cənab Obama Nigeriyada ilk demokratik hakimiyyət dəyişikliyi ilə başa çatan seçkiləri alqışlayıb.
Cənab Buharinin prezident seçilməsində rol oynayan ən başlıca faktorlardan biri onun sələfi Qudlak Conatanın Boko Haramın altı ildir başladığı qiyama son qoya bilməməsi olub.
