Nigeriya paytaxtı Abuca şəhərindəki polis qərargahı yaxınlığəında baş verən bomba partlayışı nəticəsində azı bir adam həlak olub.
Günorta çağı baş verən intiharçı hücumu səmaya qara tüstü buraxıb.
Yanğınsöndürən maşınlar və təcili yarım heyətləri insident baş verən əraziyə gəlmiş və hüquq mühafizə orqanları məkanı təcrid etmişlər.
Polis qərargahı qarşısındakı maşın dayanacağında çox sayda yanan maşın müşahidə olunub. Belə görünür ki, partlayışın episentri məhz bura olub. İslamçı militant qrup olan Boko Haram hücuma görə məsuliyyəti öz üzərinə götürüb.