Accessibility links

Fransa prezidenti Fransua Olland İslam Dövləti qrupunun noyabrın 13-də Parisdə terror hücumlarına koordinasiya edimiş cavab verilməsi müzakirə etmək məqsədilə bu gün Ağ Evdə prezident Barak Obama ilə görüşüb.

İki lider danışıqlardan sonra Ağ Evdə mətbuat konfransında müxbirlərin suallarını cavablandırıb. Prezident Obama deyib ki, terrorçular Parisdə hökumət agentlikləri, ya da hərbi obyektlər deyil, mülki əhalinin istirahət üçün toplaşdığı yerləri hədəf alıb.

"Qısaca desək, bu, dünyanın ən gözəl şəhərlərindən birinə hücum deyildi, bu, dünyaya qarşı hücum idir. Bu, bizim hamımızı təhlükəyə alan bir hədədir: Buna görə də, bir ildən artıqdır Birləşmiş Ştatlar, Fransa və bizim 65-dənçox ölkədən ibarət koalisiya bir missiya ətrafında birləşib: İŞİD terrorçularını məhv etmək və onların mənfur ideologiyasını məğlub etmək."

Suriyada İslam Dövləti qrupunun hədəflərinə qarşı noyabrın 13-dən hava hüucmları keçirən Olland Birləşmiş Ştatlarla birgə cavab verilməsinə çağırıb.

Ağ Ev Fransanın hava hücumlarının intensivləşdirilməsi çağırışlarını müsbət qarşılayıb.

Bazar ertəsi Britaniyanın baş naziri ilə görüşən cənab Ollandın Rusiya, Çin, Almaniya və Italiya liderləri ilə də ayrı-ayrılıqda görüşəcəyi gözlənilir.

XS
SM
MD
LG