Accessibility links

Obama Amerika əsgərinin dəyişdirilməsi qərarını müdafiə edib


Bovi Berqdal

Bovi Berqdal

Birləşmiş Ştatlar prezidenti Barak Obama Əfqanıstanda həbsdə olan Amerika əsgərinin Quantanamo məhbəsindən 5 əfqan məhbusun azad edilməsi müqabilində dəyişdirilməsi ilə bağlı qərarını müdafiə edib.

Polşada səfərdə olan cənab Obama müxbirlərlə görüşü zamanı deyib ki, hər bir hərbiçisini müdafiə etmək Birləşmiş Ştatların müqəddəs borcudur. O əlavə edib ki, onun administrasiyası məhbus mübadiləsi ilə bağlı Konqreslə müzakirələr aparıb.

Taliban ABŞ hərbiçisi Bovi Berqdalı azad etdikdən sonra Quantanamoda olan 5 məhbus keçən bazar günü Qətərə yola salınıb. Mübadiləyə əsasən azad edilən 5 nəfər bir il müddətində Qətəri tərk edə bilməz.

Birləşmiş Ştatlar ordusunun Birgə Qərargahlar rəisi Martin Dempsi əsgəri azad etmək üçün belə bir mübadilənin doğru fikir olduğunu deyib.
XS
SM
MD
LG