Accessibility links

ABŞ-da fevral ayının hər üçüncü bazar ertəsi Prezidentlər günü kimi qeyd edilir. Bu gün milyonlarla işçi və şagird rəsmən tətildədir.

Federal bayram olan Prezidentlər günü ilk dəfə 1879-cu ildə fevralın 22-də anadan olan ABŞ-ın ilk prezidenti Corc Vaşinqtonun ad gününün qeyd edilməsi məqsədilə keçirilib.

Əvvəllər yalnız paytaxta şamil edilən bu bayram zamanla bütöv ölkədə qeyd edilməyə başlayıb.

Təxminən bir əsrdən sonra 1968-cu ildə ABŞ Konqresi amerikalı işçilərə üç gün istirahət verilməsi məqsədilə ildə bir neçə bazar ertəsi gününün federal bayram kimi qeyd edilməsi haqda qanun qəbul edib.

Prezidentlər günü rəsmən Corc Vaşinqtonun ad günü kimi tanınsa da, həmin bu gün fevralın 12-də anadan olmuş ABŞ-ın 16-cı prezidenti Abraham Linkolnun da ad günü qeyd edilir.

XS
SM
MD
LG