Accessibility links

MSK prezident seçkilərinin nəticələrini Konstitusiya Məhkəməsinin təsdiqinə göndərib


Azərbaycan Konstitusiya Məhkəməsi

Azərbaycan Konstitusiya Məhkəməsi

Konstitusiya Məhkəməsi seçkilərin yekunlarını oktyabrın 23-dək təsdiq etməlidir

Oktyabrın 17-də Mərkəzi Seçki Komissiyası (MSK) 9 oktyabr prezident seçkilərinin yekun protokolunu təsdiq üçün Konstitusiya Məhkəməsinə göndərilməsi haqqında qərar qəbul edib.

Ümid Partiyasından MSK üzvü Akif Qurbanov istisna olmaqla, 18 MSK üzvündən 17-si sənədi imzalayıb.

Qanunvericiliyə əsasən, Konstitusiya Məhkəməsi seçkilərin yekunlarını oktyabrın 23-nə qədər təsdiq etməlidir.

Rəsmi məlumatlara görə, İlham Əliyevə seçkilərdə iştirak edən seçicilərin 84,55%-i (3 126 612) səs verib.

Daha sonra Cəmil Həsənli (5,53% - 204 635 səs), İqbal Ağazadə (2,40% - 88 667 səs), Qüdrət Həsənquliyev (1,99% - 73 586 səs), Zahid Oruc (1,45% - 53 717 səs), İlyas İsmayılov (1,07% - 39 641 səs), Araz Əlizadə (0,87% - 32 065 səs), Fərəc Quliyev (0,86% - 31 774 səs), Hafiz Hacıyev (0,66% - 24 459 səs), Sərdar Məmmədov (0,61% - 22 728 səs) gəlir.

Milli Şuranın prezidentliyə namizədi Cəmil Həsənli seçkilərin nəticələrini tanımadığını bildirib. O seçkilərin nəticələrinin ləğvi üçün dinc vasitələrlə qanuni yolla mübarizə aparacağını bildirib.
XS
SM
MD
LG