Accessibility links

Prezidentliyə namizədlər arasında gələn həftə keçiriləcək ilk debatın moderatoru birbaşa yayımda göstəriləcək debatın mövzularını açıqlayıb.

Demokrat namizəd Hillari Klinton və respublikaçı namizəd Donald Tramp arasında ilk debat "Amerikanın siyasi kursu", "Çiçəklənməyə nail olunması" və "Amerikanın təhlükəsizliyinin təmin edilməsi" kimi üç mövzunun hər birinə həsr olunmuş 15 dəqiqəlik hissədən ibarət olacaq.

Debatların moderatoru, NBC tele kanalının axşam xəbərlərinin aparıcısı Lester Holt hər hissənin açılışında namizədlərə sual verəcək. Namizədlərin hər birinin sual cavab üçün iki dəqiqəsi olacaq. Prezidentliyə namizədlərin eyni zamanda bir-birinə cavab vermək imkanı da olacaq.

ABŞ prezident seçki yarışlarında iştirak edən "Yaşıllar Partiyası"nın nümayəndəsi Cill Steyn və liberitarian Qeri Conson keçən ay "Prezidentlik debatlarına dair Komissiya"nın apardığı ictimai rəy sorğularının nəticələrinə görə lazımi 15 faizi toplaya bilmədiklri üçün müzakirələrə dəvət olunmayıblar.

ABŞ prezidentliyinə namizədlər arasında üç debatdan birincisi sentyabr ayının 26-na təyin olunub.

XS
SM
MD
LG