İyunun 23-də Bakı şəhərinin Heydər Əliyev prospektində (əsas yolda), Bağırov körpüsünün yaxınlığında baş vermiş yol-nəqliyyat hadisəsi nəticəsində yolda nəqliyyat vasitələrinin sıxlığı müşahidə olunur.
Nəqliyyatı İntellektual İdarəetmə Mərkəzinin (NİİM) məlumatına görə, sürücülərə alternativ olaraq Heydər Əliyev prospektinin köməkçi yolundan, Babək və Ziya Bünyadov prospektlərindən istifadə etmələri tövsiyə olunur.
APA agentliyinin məlumatına görə, “Ford Tranzit” markalı avtomobil “Mercedes” markalı avtomobillə toqquşub. Nəticədə 3 nəfər ölüb, 2 nəfər yaralanıb.
Bakı şəhər Baş Polis İdarəsinin Dövlət Yol Polisi İdarəsi bildirib ki, ilkin ehtimala görə hadisəyə səbəb yüksək surət həddi olub.