Accessibility links

Ramin Cabbarlı: Mədəniyyətimizə hücumlar davam etdikcə, muqavimət ədəbiyyatı yaşayacaq! [Audio]


Ramin Cabbarli

Ramin Cabbarli

Türkiyədə mühacirətdə yaşayan gənc şair Ramin Cabbarlı Azərbaycanda həsrət və muqavimət ədəbiyyatı haqda Amerikanın Səsinə müsahibə verib. Bir çoxları dünya şöhrətli şair Məhəmməd Hüseyn Şəhriyarı Azərbaycan həsrət ədəbiyatının zirvəsi hesab edirlər. Lakin cənab Cabbarlının sözlərinə Arazın hər iki tayı bu ədəbiyyatı layiqli şəkildə təmsil edən sənət ustaları yetişdirib.


Güneyli şair keçmişdə həsrət şeirləri yazanları üç qrupa ayırır: Bu qruplardan birincisi Güney Azərbaycanda yaşayan və quzey həsrəti ilə yazanlardır. Onların arasında Məşrutə Hərəkatı dövründə rus qoşunları tərəfindən asılan din xadimi Təbrizli Siqqətülislam Azərbaycan həsrət şeirinin qabaqcıllarından olub. İkinci qrup isə muxtəlif dövrlərdə, o cümlədən 1946-cı ildə Azərbaycan Milli Hökümətinin yıxılmasından sonra, quzeyə köçməyə məcbur olan şairlərdir. Ramil Cabbarlı üçüncü qrupun Azərbaycan Respublikasından olan şairlərdən ibarət olduğunu deyir. Onun dediklərinə görə, bu şairlərin arasında Süleyman Rüstəm kimi Sovet dönəminin yetirmələrini misal göstərmək olar.
Azərbaycan türklərinin dil və kültürlərinə qarşı hücumlar davam etdikcə, Güney Azərbaycan muqavimət ədəbiyyatı da yaşayacaq


Ramin Cabbarlı, İranda Azərbaycan muqavimət şeirinin bütünlüklə həsrətdən ayrılmadığını bəyan edir. O, hazırda başqa ölkələrdə mühacirətdə yaşayan bəzi şairlərin vətənlə bağlı şeirlərini də bu kateqoriyaya daxil edib, misal olaraq, Norveçdə yaşayan Azərbaycanlı şair Hadi Qaraçayın adını çəkir. “Azərbaycan türklərinin dil və kültürlərinə qarşı hücumlar davam edənə qədər, Güney Azərbaycan muqavimət ədəbiyatı da yaşayacaqdır,” deyə güneyli gənc ədəbiyyatçı bildirir.
XS
SM
MD
LG