İraq polisinin bildirdiyinə görə, bir neçə bomba partlayışı on adamın ölümü, onlarla insanın yaralanmasına səbəb olub. Hadisələr İraqın müqəddəs Kərbəla şəhərində baş verib. İlk bomba passport idarəsi yaxınlığında, digəri isə təcili yardım işçilərinin hadisə yerinə gəldiyinidə işə düşüb. Hücumlar ABŞ qüvvələrinin ilin sonunadək İraqdan çıxarılması planlaşdırıldığı vaxt həyata keçirilib. 2006-ci ildən zorakılıqlar bir qədər səngisə də, ABş və İraq rəsmilərini qüvvələrin çıxarılmaından sonrakı təhlükəsizlik vəziyyəti narahat edir.
