İraqın radikal şiə ruhanisi Müqtəda Əl-Sədr ABş qüvvələrini ölkəni tərk etməyə çağırıb. Əks təqdirdə o, Amerika ordusunun müqavimətlə üzləşəcəyini deyib. Amerika əleyhdarı ruhaninin bu açıqlaması dünən onun veb səhifəsində dərc edilib. Burada Əl-Sədrin Amerika ordusuna “sizi səbirsizliklə gözləyən ailələrinizin yanına dönün” dediyi yazılıb. “Siz İraqı tərk etməyənə qədər iraqlılar sizə qarşı əvvəlllər olduğu kimi güclü mübarəzə aparacaq” deyə, səhifədə bildirilir.
Əl-Sədrin Mehdi ordusu 2008-ci ilə qədər Birləşmiş Ştatların hərbi qüvvələrinə qarşı mübarizə aparıb. Bundan sonra Əl-Sədr ordusunu buraxıb və səylrini İraqda siyasi proseslərə yönəldib.
.