Accessibility links

Nyu-Yorkda yaşayan azərbaycanlı illüzionist [VİDEO]


Rəsul 1995-ci ildə Nyu-Yorkda azərbaycanlı ailəsində dünyaya göz açıb. Hazırda 12-ci sinifdə oxuyan Rəsul digər dostları kimi univesitetə daxil olmağa hazırlaşır. Amma onu həmyaşıdlarından fərqləndirən bir qeyri-adi istedadı var: sehirbazlıq.

Rəsulla Nyu-York parklarının birində görüşdük. 17 yaşı olmasına baxmayaraq o heç zaman Azərbaycanda olmayıb, amma buna baxmayaraq, o bizimlə söhbətiazərbaycanca aparmağa çalışırdı.

Rəsul 2-3 ildir bu peşəni özünə hobbi seçib. Deyir ki, o vaxtadək belə bir bacarığı olmadığını fikirləşirdi.

Bundan sonra sehirbazlığa ciddi maraq göstərən Rəsul nömrələri təcrübədən keçirmək üçün oyun kartlarını özünə başlıca alət seçib.

O, gün ərzində bu işə 2-3 saat vaxt ayırır, evdə masası önündə yorulmadan məşq edir, bacarıqlarını təkmilləşdirməyə çalışır. Ən sevdiyi iş yoldan keçən insanlara yaxınlaşıb fokus göstərməkdir. Videonu izləyin.
  • 16x9 Image

    Emil Quliyev

    Amerikanın Səsində 2007-ci ildən fəaliyyət göstərir. "Amerikana" proqramının təsisçisi və aparıcısı, "Amerika İcmalı" həftəlik televiziya proqramının baş prodüseridir.  Çoxsaylı siyasi, sosial və analitik müsahibə və reportajların müəllifidir.

Fikirləriniz

Show comments

XS
SM
MD
LG