Rauf Mirqədirov müalicə müəssisəsinə köçürülür

Jurnalist Rauf Mirqədirov Penitensiar Xidmətin müalicə müəssisəsinə köçürülür. Bu barədə vəkil Fuad Ağayev Turana bildirib.

Onun sözlərinə görə, jurnalist müalicə müəssisəsində tam tibbi müayinədən keçiriləcək.

Qeyri-rəsmi mənbələrin dediyinə görə, jurnalistin səhhətində ciddi problemlər yaranıb.

Rauf Mirqədirov bu il avqustun əvvəllərində Leyla və Arif Yunusların məhkəməsində ifadə verib. Həmin zaman o çox arıq və ağrılardan əziyyət çəkən kimi görünüb.

“Zerkalo” qəzetinin Türkiyədə akredditə olunmuş müxbiri Rauf Mirqədirov 2014-cü il aprelin 17-də Ankarada saxlanılıb, aprelin 19-da Bakı hava limanına gətirilib və həbs edilib. O Ermənistana casusluqda günahlandırılaraq dövlətə xəyanətdə ittiham olunur.