35 il əvvəl ABŞ prezidenti Ronald Reyqana qarşı sui-qəsd cəhdi həyata keçirmiş şəxs bu gün Vaşinqtondakı əqli xəstəxanadan sərbəst buraxılıb. Con Hinklinin azadlığa buraxılması iyul ayında federal hakimin qərarından sonra baş tutub. Qərarda deyilirdi ki, o artıq nə özü, nə də ictiamiyyətə hədə törətmir.
Hospitalı tərk edən Hinkli 90 yaşlı anası ilə birlikdə yaşayacaq. Bir neçə şərtli nəzarət altında qalacaq Hinklinin anasının evi paytaxtdan təxminən 250 kilometr aralıda yerləşən Virciniya ştatının Villiamsburq şəhərində yerləşir.
61 yaşlı Hinkli illərdir Müqəddəs Elizabet xəstəxanasında reabilitasiya olunurdu. Məhkəmə onu Ronald Reyqan və başqa 3 nəfərə qarşı hücuma görə günahkar bilmədikdən sonra hospitala köçürülən Hinli 30 ildir ki orada qalırdı.
1981-ci ildə əvvəlcə Reydanı izləyən Hinkli daha sonra Vaşinqtondakı hotelin qarşısında prezidentlə yanaşı, Ağ Evin mətbuat katibi Ceyms Bredi və Xüsusi Xidmətin əməkdaşına atəş açmışdı
1981-ci ildə əvvəlcə Reydanı izləyən Hinkli daha sonra Vaşinqtondakı hotelin qarşısında prezidentlə yanaşı, Ağ Evin mətbuat katibi Ceyms Bredi və Xüsusi Xidmətin əməkdaşına atəş açmışdı. Beynindən yaralanan Bredi 2014-cü ildə vəfat etmişdi. Prezident Reyqan və hadisə zamanı yaralanan digər şəxslərin yaraları tez sağalmışdı.
