Sentyabrın 30-da Roma Papası Fransisin Qafqaza 3 günlük səfəri başlayıb. O, əvvəlcə Gürcüstanda, sonra Azərbaycanda siyasi və dini liderlərlə görüşəcək.
Oktyabrın 1-də Papa Tbilisinin Mixeil Mesxi stadionunda kütləvi dua mərasimində iştirak etməyi planlaşdırır.
Oktyabrın 2-də isə Papa Francis Bakıda olacaq. Kilsədə dini mərasimdən sonra onun Şəhidlər Xiyabanını ziyarət edəcəyi, rəsmilərlə, eləcə də Qafqaz Müsəlmanları İdarəsinin rəhbəri Allahşükür Paşazadə ilə görüşü gözlənilir. Görüş Heydər Əliyev Məscidində keçiriləcək.
