Türkiyə xəbər saytları “İraq Şam İslam Dövləti” (İŞİD) terror qruplaşmasının Qafqaz üzrə təmsilçisi Rövşən Bədəlovun döyüşlərdə öldürüldüyünü yazır.
Xəbərlərə görə, R.Bədəlov Azərbaycan vətəndaşıdır, 50 yaşı var idi. O İŞİD-ə qoşulmazdan öncə 2000-2001-ci illərdə rus-çeçen müharibəsində ruslara qarşı vuruşub.
Bundan öncə isə R.Bədəlov Qarabağda Azərbaycan ərazilərinin azad edilməsi məqsədi ilə partizan qrupu yaradıb. Siolahlı qrup yaratdığı üçün Bakıda həbsə alınıb, 10 il azadlıqdan məhrum edilib.
2013-cü ildə həbsdən sonra R.Bədəlov Suriyaya gedib, Suriyada azərbaycanlılardan ibarət “Tbuk” batalyonu yaradaraq İŞİD sıralarına qoşulub, daim döyüşlərin ön cəbhəsində olub.
