Accessibility links

Rüfət Səfərovun cinayət işinə Lənkəran Ağır Cinayətlər Məhkəməsi baxacaq


Rüfət Səfərov
Rüfət Səfərov

Zərdab rayon Prokurorluğunun keçmiş müstəntiqi Rüfət Səfərovun cinayət işi iyulun 12-də baxılması üçün Lənkəran Ağır Cinayətlər Məhkəməsinə göndərilib. Bu barədə Amerikanın Səsinə məhkəmənin dəftərxanasından bildiriblər.

Məhkətmə prosesinə hakim Asim Hacıyev sədrlik edəcək. Məhkəmənin hazılır iclası iyulun 25-i saat 12.00-a təyin edilib.

Rüfət Səfərov 2015-ci ilin sonlarında açıqlama verərək prokurorluq orqanlarından istefa verdiyini bəyan edib. Bundan sonra Baş Prokurorluq onun barəsində xidməti yoxlama aparıb.

Baş Prokurorluğun yaydığı məlumata əsasən, Rüfət Səfərov “Prokurorluq haqqında” qanunun 34-cü və “Azərbaycan Respublikası Prokurorluğu işçilərinin etik davranış Kodeksi”nin 30 və 31-ci maddələrinin tələblərini kobud surətdə pozaraq prokurorluq orqanlarında prokuror və ya müstəntiq vəzifəsi ilə bir araya sığmayan hərəkətlərə yol verdiyinə görə prokurorluq orqanlarından xaric edilib. Onun barəsində Baş Prokuror yanında Korrupsiyaya Qarşı Mübarizə Baş İdarəsində Cinayət Məcəlləsinin 311.3.2-ci maddəsi (rüşvət alma-təkrar törədildikdə) ilə cinayət işi başlanıb.

Bakının Binəqədi rayon Məhkəməsi 2016-cı il yanvarın 15-də Səfərov barəsində 3 ay 26 gün müddətinə həbs qətimkan tədbiri seçib. Yanvarın 22-də Binəqədi rayon Məhkəməsi Səfərov barəsində seçdiyi həbs qətimkan tədbirini ev dustaqlığı imkan tədbiri ilə əvəz edib.

R. Səfərov iqtidarda olan Yeni Azərbaycan Partiyasının fəallarından, Milli Məclisin keçmiş üzvü Eldar Sabiroğlunun oğludur. Eldar Sabiroğlu son bir ildə Prezident Administrasiyasının rəhbəri Ramiz Mehdiyevin fəaliyyətini kəskin tənqidi ilə fərqlənir.

Rüfət Səfərov ittihamı qəbul etmir və sifariş kimi qiymətləndirir.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG