Accessibility links

Ruhani Parisdə terror hücumlarına görə Avropaya səfərini təxirə salıb


İran prezidenti Həsən Ruhani Parisdə terror hücumlarından sonra Avropaya dörd günlük səfərini təxirə salıb.

Həsən Ruhani hücumları "insanlığa qarşı cinayət" adlandırıb.

İran prezidenti Tehranın mübahisəli nüvə proqramı ilə əlaqədar tətbiq edilmiş beynəlxalq sanksiyalardan sonra biznes və diplomatik əlaqələrin yaxşılaşdırılması məqsədilə İtaliya, Vatikan və Fransaya səfər etməyi planlaşdırırdı.

On ildən artıqdır bir müddət ərzində İran prezidenti tərəfindən Avropaya səfər zamanı Həsən Ruhannin İtaliyanın Baş naziri Matteo Renzi və Vatikanda Roma Papası Fransislə görüşləri gözlənilirdi.

Həsən Ruhanin bazar günü Fransaya səfəri və səfər çərçivəsində Fransa prezidenti Fransua Olland danışıqları və başqa görüşləri planlaşdırılmışdı.

İran prezidentinin səfərinin nə zaman baş verəcəyi ilə bağlı məlumat verilməyib.

XS
SM
MD
LG