Rusiya yeni trans-Sibir boru kəməri vasitəsilə Çinə nəhəng miqdarda neft nəql etməyə başlayıb. Yen il gecəsindən başlayaraq Sibirin şərq hissəsindən Çinin Daçinq şəhərinə çəkilmiş 3600 kilometr uzunluğunda boru kəməri ilə neft axmağa başlayıb. Dünyanın ən böyük neft ixracatçısı olan Rusiya gündə Çinə 300 000 barrel neft nəql edəcək. Bu razılaşma iki ölkə arasındakı əlaqələri möhkəmləndirəcək. Çin prezidenti Hu Cintao və onun rusiyalı həmkarı Dmitri Medvedev ötən sentyabrda simvolik olaraq neft kəmərinin açılışında iştirak ediblər. O vaxtdan bəri boru kəməri üzərində test işləri aparılıb.