Accessibility links

Vaşinqton Post: Rusiya səfiri Moskvaya Kuşnerin Kremllə gizli kommunikasiya vasitəsinin yaradılmasını istədiyini deyib


The Washington Post qəzəti bildirir ki, ABŞ prezidentinin kürəkəni və baş məsləhətçisi Cared Kuşner Rusiyanın Vaşinqtondakı səfiri ilə Trampın keçid komandası ilə Kreml arasında gizli kommunikasiya vasitəsinin yaradılma ehtimalını müzakirə edib.

Qəzet cümə günü ABŞ rəsmilərinə istinadən bildirib ki, bu, inaqurassiyadan əvvəl aparılan danışıqların araşdırılmasının qarşısını almaq məqsədi daşıyıb.

Cared Kuşner
Cared Kuşner

Qəzetin mənbələri deyib ki, səfir Sergey Kislyak Moskvadakı üstünlərinə Kuşnerin bu təklifi dekabr ayının əvvəlində Nyu York-da yerləşən Tramp Qülləsindəkeçirilən görüşdəs irəli sürüb. Mənbələr bu informasiyanın ələ keçirilən və ABŞ rəsmiləri tərəfindən yoxlanılan Rusiya kommunikasiyasından öyrənildiyini deyib.

Cümə axşamı ABŞ KİV-ləri Kuşnerin Federal Təhqiqatlar Bürosunun (FBI) Trampın kampaniyası ilə Rusiya arasında mümkün gizli razılaşmalarına dair apardığı istintaq çərçivəsində araşdırıldığı barədə məlumat verib.

The Washington Post ötən həftə prezidentə yaxın yüksək vəzifəli Ağ Ev rəsmisinin istintaqın əsas diqqət mərkəzi olduğunu bildirsə də, həmin insanın Cared olduğunu qeyd etməmişdir.

FBI-ın diqqəti Kuşnerə yönəltməsi onun şübhəli olduğu və ya onun FBI-ın Rusiyaya dair apardığı daha genişmiqyaslı istintaqa cəlb olunduğu demək deyil.

İvanka Tramp və Cared Kuşner Səudiyyə Ərəbistanında
İvanka Tramp və Cared Kuşner Səudiyyə Ərəbistanında

Bu, Trampın gözlənilmədən istintaqa başçılıq edən FBI direktoru Ceyms Komini işdən çıxarmasından bir neçə həftə sonraya təsadüf edir.

Ötən həftə baş prokurorun müavini Rod Rosenstin keçmiş FBI Direktoru Robert Muellerin istintaqada başçılıq edən xüsusi məsləhətçi vəzifəsinə təyin edib. Bundan əlavə Konqresin dörd komitəsi də məsələ ilə bağlı ayrı təhqiqat aparır.

Tramp dəfələrlə kampniyası ilə Kreml arasında hər hansı gizli danışıqların aparıldığını inkar edib. ABŞ kəşfiyyatı ilə Rusiya prezidenti Vladimir Putinin Respublikaçıların xeyrinə nəticələnməsi üçün ABŞ seçkisinə müdaxilə etməkdə ittiham edir.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG