Rusiya Müfadiə Nazirliyi bu gün təyyarələrinin ilk qrupunun Suriyanı tərk etdiyini bildirib. Bu addım prezident Vladimir Putinin beş ay yarımdan sonra əsas qüvvələri Suriyadan çəkəcəyini bəyan etməsindən bir gün sonra atılıb.
Putin bazar ertəsi Suriyadakı hərbi kontingentinin böyük hissəsinin üzərinə düşən vəzifəni yerinə yetirdiyinə görə bölgəni tərk edəcəyini deyib.
"Mənim fikrimcə, Müdafiə Nazirliyi və hərbi komandanlıq qarşısına qoyulan vəzifə yerinə yetirilib və mən sabahdan etibarən hərbi qüvvələrimizin böyük hissəsinin Suriya Ərəb Respublikasından çıxarılması haqda göstəriş verdim. Mən eləcə də, Xarici İşlər Nazirliyindən Suriya problemini həll etmək üçün sülh prosesinddə Rusiya Federasiyasının iştirakını gücləndirməsini xahiş etdim" deyə Putin bildirib.
Rusiyanın hərbi təyyarələri artıq Suriyanın qərbində Lakatiya vilayətindəki Hmeymim hərbi bazasını tərk etməyə başlayıb.