Sabiq ABŞ prezidenti Corc Buşun sözçüsü deyir ki, cənab Buş Dünya Ticarət Mərkəzində xatirə mərasiminə qatılmaq üçün prezident Barak Obamanın dəvətini qəbul etməyib. Sözçü bildirib ki, cənab Buş dəvətnaməyə görə minnətdardır, lakin prezidentlik dönəmi bitdiyinə görə diqqət mərkəzində olmaq istəmir. Cənab Obama sabah 2001-ci il 11 sentyabr hücumlarının qurbanlarının ailə üzvləri ilə görüşəcək. Bu görüş ABŞ donanmasının elitar SEALs qrupu tərəfindən Əl-Qaidə lideri Üsama bin Ladeninn öldürülməsindən sonraya təsadüf edir. Əl-Qaidənin həyata keçirdiyi 11 sentyabr hücumlarında Nyu-York, Vaşinqton və Pennsilvaniyada 3000-ə yaxın adam həlak olmuşdu.