ABŞ prezidenti Barak Obama ABŞ-ın Azərbaycandakı səfiri postuna Robert Frensis Cekutanın (Robert Francis Cekuta) namizədliyini irəli sürüb.
Ağ Evin saytının məlumatına görə Robert Frensis Cekuta hazırda dövlət katibinin enerji məsələləri üzrə köməkçisinin müavinidir.
O, əvvəllər ABŞ-ın Əfqanıstan, Yaponiya və Almaniyadakı səfirliklərində müxtəlif vəzifələrdə çalışıb.
Bununla belə Cekuta-nın namizədliyini ABŞ Senatının təsdiqləməsi lazımdır.
Hazırkı səfir Riçard Morninqstarın səlahiyyət müddəti iyulun sonunda başa çatır.
