Accessibility links

İranda ana dilində yazan tanınmış şair-publisist, jurnalist 6 ay həbsdə qalacaq

APA Agentliyinin məlumatına görə, azərbaycanlı jurnalist barəsində çıxarılmış 6 aylıq həbs cəzasını çəkmək üçün həbsxanaya salınıb.
Qeyd edək ki, Səid Muğanlı (Məhəmmədi) Təbriz İnqilab Məhkəməsi tərəfindən İrandakı mövcud quruluşun əleyhinə şeirlər yazmaqda ittiham olunaraq 6 ay müddətinə azadlıqdan məhrum edilib. Qərar ötən ilin dekabrında Şərqi Azərbaycan vilayətinin Apelyasiya Məhkəməsi tərəfindən də qüvvədə saxlanılıb.
Azərbaycanlı jurnalist 2011-ci ilin iyunun 8-də İran İnformasiya, Təhlükəsizlik və Kəşfiyyat Nazirliyinin (ETTELAAT) əməkdaşları tərəfindən həbs edilib və sentyabrın 25-də 50 min ABŞ dolları məbləğində girov müqabilində azadlığa buraxılıb.
ETTELAAT-ın təcridxanasında 110 gün saxlanılan azərbaycanlı şairin ağır işgəncələrə məruz qaldığı bildirilir.
XS
SM
MD
LG