Accessibility links

Selfie- sosial media fenomeni [Fotoqalereya]


Sosial mediada bu günlər ən populyar fotolar yəqin ki Selfie-lərdir. Məşhurlar və siyasətçilərdən tutmuş adi insanlara qədər Twitter, Facebook və Instagram kimi şəbəkələrdə smart telefonların kameraları ilə çəkilmiş foto avtoportretlərə rast gəlmək mümkündür. Bəzi sosial media səhifələrində bu fotoların yüz min, hətta milyonlarla insan tərəfindən paylaşdığınıın şahidi oluruq.

Selfie sözünün mənası özü tərəfindən çəkilmiş fotoşəkil kimi tərcümə olunur. Sosial mediada müasir fenomen olsa da, tarixdə insanların öz fotolarını çəkməsi nadir hal deyil. Tarixdə ilk foto-şəkil və eyni zamanda, ilk avtoportretin müəllifi 1839-cu ildə amerikalı fotoqraf Robert Kornelius olub. Kornelius foto sənətinin öncülü hesab edilir.

Foto avtoportret, ya da müasir dillə desək, daha bir məşhur Selfie-nin müəllifi Rusiya çarı Nikolayın 13 yaşlı qızı knyaginya Anastasiya olub. O, 1914-cü ildə güzgü qarşısında öz fotosunu çəkib və rəfiqəsinə göndərdiyi məktubda bunu necə etdiyini təsvir edib.

Müasir dövrdə Selfie fotoşəkillər 2000-ci illərin ortalarından yayılmağa başlayıb. Mediada indi hətta foto avtoportret çəkmək qaydaları və onların populyarlıq qazana bilməsi üçün müxtəlif məsləhətlər verilir. Sosial mediada Selfie axını durmadan davam edir.

Son zamanlar isə Selfie-lərin populyarlığının demək olar ən yüksək həddinə çatdığını müşahidə edirik. Buna səbəb bəlkə də Amerika kino akademiyasının Oskar mükafatlarının təqdimatı mərasiminin aparıcısı Ellen DeCeneresin Hollivudun ən məşhur ulduzları ilə çəkdiyi Selfi ola bilər. Bred Pitt, Ancelia Joli, Meril Strip, Bredli Kuper və digər Hollivud ulduzlarından ibarət bu möhtəşəm qrupu bir araya gətirmək yəqin ki yalnız sosial medianın belə ən müasir vasitəsilə mümkün ola bilərdi. Şəkil Tvitterdə indiyə qərə görünməmiş rekord vuraraq, 2,5 miyondan çox insan tərəfindən paylaşıb. Ellen DeCeneres bununla ABŞ prezidenti Barak Obamanın 2012-ci ildə ikinci dönəm prezident seçildikdən sonra Tvitterdə yerləşdirdiyi şəklin rekordunu vura bilib. ABŞ prezidentinin şəkli yalnız 700 min dəfə paylaşıb.

Sosial şəbəkələrdə ən çox populyarlıq qazanmış digər Selfie-lər arasında ABŞ-ın keçmiş dövlət katibi və Birgə Qərargahlar rəisi Kolin Pauellin 1950-ci illərdə çəkdiyi foto avtoportretini göstərmək olar. Atasının ona aldığı sarı rəngli gödəkçədə güzgü qarşısında dayanıb öz şəklini çəkmiş 16 yaşlı Kolin Pauell ö dövr üçün çox şıq hesab edilən bir görünüşə malikdir. Şəkli öz Facebook səhifəsində bölüşən Kolin Pauell Ellen de Generesin məşhur Selfie-nə işarə edərək, “Mən Selfie-ni hələ Facebook dövründən əvvəl çəkirdim. Ürəyin qopacaq, Ellen” yazıb. Şəkil Facebook şəbəkəsində 100 mindən çox dəfə paylaşıb.

ABŞ-ın keçmiş birinci xanımı, senatoru və dövlət katibi Hillari Klintonun qızı Çelsi Klinton və həyat yoldaşı, ABŞ-ın keçmiş prezidenti Bill Klintona çəkdirdiyi foto avtoportreti də məşhur Selfie-lər arasındadır.

Yəqin ki Britaniya kral ailəsinin bir neçə gün bundan əvvəl çəkdirdiyi Selfie də sosial şəbəkədə rekord sayda paylaşan şəkillər sırasına çıxacaq.

Bəziləri Selfie fotoları insanların özünə aludəçiliyinin nümunəsi kimi tənqid edir, başqaları isə sərbəst şəkildə bir, ya da bir neçə insanın rəsmi pozada dayanmadan şəkil çəkdirməsini özünü ifadənin bir forması kimi görür. Amma yəqin çoxları razılaşacaqlar ki, insanlar şəkil çəkdirməyi və öz şəkillərini sevir və Selfie də onlara bunu çox təbii bir şəkildə etməyə imkan yaradır.

  • 16x9 Image

    Dilşad Əliyarlı

    Jurnalist və yazar Dilşad Əliyarlı 20 ildən artıqdır "Amerikanın səsi"ndə çalışır. Azərbaycan xidmətində televiziya proqramlarının yaradıcılarından biri olan Dilşad Əliyarlı "Amerika icmalı" proqramının redaktoru və aparıcısıdır. Dilşad Əliyarlı ABŞ-dan Azərbaycan dilində yayımlanan ilk televiziya xəbər proqramının ilk aparıcısı olub. 

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG