Rusiya xarici işlər naziri Sergey Lavrov deyib ki, onun ölkəsi Suriyada İŞİD döyüşçülərinə qarşı ABŞ-ın başçılıq etdiyi koalisiyaya qoşula bilməz.
“Ona görə ki, bu qeyri-qanunidir və saxta bünövrə üzərində qurulub” - deyə Lavrov bildirib.
Türkiyəli həmkarı ilə görüşündə Lavrov deyib ki, ABŞ və onun müttəfiqləri Suriya prezidenti Bəşar Əl-Əsədlə əməkdaşlığı rədd etməməlidir.
O əlavə edib ki, Əsəd regionda terrorçuluğa qarşı mübarizə aparan güclü quru qüvvələrinə malikdir.
Ağ Ev bildirib ki, Əsəd regionda qüdrətini itirib və onun Suriyanın gələcəyində iştirakı qeyri-mümkündür.