ABŞ prezidenti Barak Obama Əfqanıstanda həlak olan əsgərin ailəsinə Amerikanın ən yüksək hərbi mükafatını təqdim edib. Ağ Evdə keçirilən mərasimdə serjant Robert Miller Şərəf ordeni ilə təltif edilib. 24 yaşlı əsgər Əfqanıstanın Pakistanla sərhəd Kunar vilayətində 2008-ci ilin yanvar ayında həlak olub. Miller cəbhə yoldaşlarını yaraqlılardan müdafiə edərkən həyatını itirib. Ağ Evin bəyanatında deyilir ki, Miller Şərəf Ordeninə misilsiz şücaəti və cəsarətinə görə layiq görülüb.