Accessibility links

“Azadlıq” qəzetinin həbsdə olan əməkdaşı beynəlxalq mükafata layiq görülüb


Seymur Həzi

Seymur Həzi

Mükafat Seymur Həzinin anasına təqdim edilib

“Azadlıq” qəzetinin şərhçisi, həbsdə olan Seymur Həzi Norveç “Fritt Ord” söz azadlığını müdafiə təşkilatının “Free Media” mükafatına layiq görülüb.

Təqdimetmə mərasimində mükafatı onun adından anası Qızqala Həziyeva və xanımı Nigar Həzi alıb.

Mərasimdə jurnalistin məktubu oxunub. O yazıb ki, həbsdə olan jurnalistlərin günahı ancaq odur ki, onlar həqiqəti söyləyirlər.

Seymur Həzi 2014-cü il avqustun 30-da həbs edilib. O, Cinayət Məcəlləsinin 221.3-cü (xuliqanlıq, silah qismində istifadə edilən əşyaları tətbiq etməklə törədildikdə) maddəsi ilə ittiham olunaraq 5 il həbs cəzası alıb. Jurnalist bu ittihamı rədd edərək, “Azadlıq” qəzetində hakimiyyəti tənqid edən məqalələr yazdığına və “Azərbaycan saatı” proqramında aparıcı olduğuna görə həbs olunduğunu bildirib.

“Amnesty International” təşkilatı Seymur Həzini vicdan məhbusu kimi tanıyıb.

Show comments

XS
SM
MD
LG