Bu gün Nəsimi Rayon Məhkəməsi dövlətə xəyanətdə ittiham olunan konfliktoloq Arif Yunusun həbs müddətini daha beş ay – 2015-ci il avqustun 5-dək uzadıb.
Bu barədə Amerikanın Səsinə vəkil Əfqan Məmmədov bildirib.
O, məhkəmənin qərarını əsassız hesab edir. Müdafiə tərəfi apellyasiya şikayəti vermək niyyətindədir.
O həmçinin qeyd edib ki, A.Yunus ifadə verməkdən imtina edir.
A.Yunus 2014-cü il avqustun 5-də, hüquq müdafiəçisi, həyat yoldaşı Leyla Yunusun həbsindən bir neçə gün sonra həbs olunub.
Onlar Ermənistanın xeyrinə casusluqda ittiham olunurlar. Lakin Leyla və Arif Yunuslar ittihamları rədd edərək onları uydurma və siyasi motivli hesab edirlər.
