Accessibility links

Brüsseldə Azərbaycanda vətəndaş cəmiyyətinin vəziyyəti ilə bağlı dinləmələr keçiriləcək


İnsan Hüquqları üzrə Beynəlxalq Tərəfdaşlıq Qrupu

İnsan Hüquqları üzrə Beynəlxalq Tərəfdaşlıq Qrupu

Yanvarın 19-da Brüsseldə Avropa Siyasəti İnstitutunda “Barmaqlıqlar arxasında ədalətli mühakimə: Azərbaycanda vətəndaş cəmiyyətinin təqibi” mövzusunda debat keçiriləcək.

Tədbir yuxarıda adı çəkilən institut tərəfindən İnsan Hüquqları üzrə Beynəlxalq Tərəfdaşlıq Qrupu ilə birgə təşkil edilib.

Tədbirin Turan agentliyinə göndərilmiş tədbirin press-relizində deyilir ki, iştirakçılara Azərbaycanda insan hüquqları sahəsində vəziyyəti və vətəndaş cəmiyyətinə, KİV-ə və müxalif fəallara qarşı repressiyaları təhlil edən məruzə təqdim ediləcək.

Məruzədə aparıcı hüquq müdafiəçiləri Anar Məmmədli, Rəsul Cəfərov, İntiqam Əliyev, Leyla və Arif Yunus, Emin Milli, Xədicə İsmayılovanın işi üzrə məhkəmə proseslərinin və Emin Hüseynovun işinin ətraflı təhlili yer alır.

Debatda Azərbaycan vətəndaş cəmiyyəti nümayəndələrindən bəziləri də iştirak edəcəklər.

Avropa İnsan Hüquqları Məhkəməsinin hakimi Rabute Remezaite, “Memorial” Cəmiyyəti Hüquqi Mərkəzinin rəhbəri Deniz Krivoşeev, Meydan TV direktoru Emin Milli,məruzə ilə çıxış edəcəklər.

Müzakirələrin moderatoru İnsan Hüquqları üzrə Beynəlxalq İnstitutun koordinatoru Simon Papuaşvili olacaq.

XS
SM
MD
LG