Accessibility links

Bu barədə Novruz Məmmədov öz twitter səhifəsində yazıb

ABŞ prezidenti Barak Obama Azərbaycan prezidenti İlham Əliyevi Vaşinqtona dəvət edib.

Bunu Azərbaycan Prezident Administrasiyası rəhbərinin müavini, xarici əlaqələr şöbəsinin müdiri Novruz Məmmədov öz twitter səhifəsində yazıb.

N.Məmmədov bildirib ki, 3 dekabr 2015-ci ildə ABŞ prezidenti Barak Obama Azərbaycan prezidenti İlham Əliyevə məktub göndərib: “Məktubda prezident Obama Azərbaycan prezidentini 2016-cı ildə Vaşinqtonda keçiriləcək IV Nüvə Təhlükəsizliyi Sammitinə dəvət edib”.

N.Məmmədovun sözlərinə görə, B.Obama öz məktubunda Azərbaycanın qlobal nüvə təhlükəsizliyi arxitekturasına qətiyyətli dəstək nümayiş etdirdiyini qeyd edib: "Ümidvaram ki, Azərbaycan nüvə və radioloji töküntülərinin qadağası üçün xüsusi səylərini davam etdirəcək”, Məmmədov ABŞ prezidentinin məktubuna istinadən qeyd edib.

XS
SM
MD
LG