Fevralın 19-da Azərbaycan Xalq Cəbhəsi Partiyası, REAL Hərəkatı və digər təşkilatların nümayəndələri Türkiyənin Azərbaycandakı səfirliyinin qarşısına gələrək bu ölkədə terror nəticəsində həyatlarını itirmiş insanların xatirəsini anıb.
İnsanlar səfirliyin qarşısına qərənfillər düzüb və terror pisləyən bəyanatlarını səfirliyin nüayəndəsinə təqdim edib.
“Azərbaycan dövlətinin qurucusu Məhəmməd Əmin Rəsulzadə, milli azadlıq hərkəatının lideri Əbülfəz Elçibəyin vəsiyyəti Türkiyə xalqı ilə bir olmaqdır. Azərbaycan hər zaman Türkiyənin yanındadır. Biz PKK-ya, PJK-ya və PJD-yə qarşı mübarizədə Türkiyə ilə eyni cəbhədəyik”, AXCP Gənclər Komitəsinin fəalı Türkel Əlisoy qeyd edib.
Fevralın 17-də Türkiyənin paytaxtı Ankarada terror hadisəsi törədilib. Bu hadisə nəticəsində 28 nəfər həyatını itirib. 60-dan çox adam yaralanıb.