Accessibility links

"Cəbhə boyu döyüş əməliyyatlarının dayandırılmasına dair əldə olunan razılaşmaya baxmayaraq Ermənistan silahlı qüvvələrinin bölmələri yenidən vəziyyəti gərginləşdirməkdə davam edir. Qoşunların təmas xəttində aprelin 14-də Silahlı Qüvvələrin müddətdən artıq həqiqi hərbi xidmət hərbi qulluqçusu, kiçik çavuş Əhmədov Rüstəm həlak olub".

Bu barədə Azərbaycan Müdafiə Nazirliyinin mətbuat xidməti məlumat yayıb.

"Bildiririk ki, qoşunların təmas xəttində baş verən bu qanlı provokasiyaya görə məsuliyyət bütünlüklə Ermənistanın hərbi-siyasi rəhbərliyinin üzərinə düşür və düşmənə veriləcək cavab sarsıdıcı olacaq", Azərbaycan Müdafiə Nazirliyi xatırladır.

Öz növbəsində, Ermənistan mediası rəsmi mənbələrə istinadən Azərbaycan tərəfinin atəşkəs rejimini pozduğunu bildirir.

XS
SM
MD
LG