Azərbaycanın Böyük Britaniyadakı səfirliyi Mançester şəhərində baş vermiş partlayışda ölən və yaralananlar arasında Azərbaycan vətəndaşlarının olub-olmadığını yerli orqanlar vasitəsilə araşdırır.
Bunu Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyev bildirib.
H.Hacıyev hər hansı xəbər olduğu təqdirdə, ictimaiyyətə əlavə məlumat veriləcəyini bildirir.
Mayın 22-si gecə saatlarında İngiltərənin Mançester şəhərində konsert zamanı partlayış baş verib. 22 nəfər ölüb, 50-ə qədər insan yaralanıb. İnsident «Manchester-Arena»da baş verib.
