Bolqarıstanın paytaxtı Sofiyada minlərlə insan hökumət əleyhinə nümayişdə iştirak edib. Etiraz aksiyası iştirakçıları hökumətin istefasına çağırıb. 4000 insanın iştirak etdiyi nümayiş müxalif Sosialist partiyası tərəfindən təşkil edilib. Bu ayın əvvəllərində də bunabənzər aksiya zamanı artan ərzaq və yanacaq qiymətlərinə etiraz bildirilmişdi. Bolqarıstanın baş naziri seçkilər zamanı isqtisadi islahatlar vəd vermiş, lakin vədlərinə hələ ki, əməl etməmişdir. Hökumət həm də korrupsiya ilə mübarizə edəcəyinə söz vermişdi.