Aprelin 19-da Norveç aviaşirkətinə məxsus Banqkok-Kopenhagen aviareysi ilə uçan təyyarə Bakıda Heydər Əliyev beynəlxalq hava limanında məcburi eniş edib.
Təyyarənin məcburi eniş etməsinə sərnişinlərdən birinin səhhətinin kəskin pisləşməsi səbəb olub.
Azərbaycan Səhiyyə Nazirliyinin mətbuat xidmətinin rəhbəri Anar Qədirli bildirib ki, Danimarka vətəndaşı olan 75 yaşlı Alen Lasten ağciyər-ürək çatışmazlığı ilə 3 saylı Sabunçu şəhər xəstəxanasına yerləşdirilib.
“O, xəstəxanaya çatdırılanda vəziyyəti ağır olub. Həkimlərin səylərinə baxmayaraq, onun həyatını xilas etmək mümkün olmayıb”, -deyə o qeyd edib.
