Səudiyyə Ərəbistanı başqa neft istehsalçılarını neft hasilatını artırmağa inandıra bilmədikdən sonra öz neft hasilatını artıracağına işarə edib.
Bir sıra xəbər agentliklərinin məlumatlarına görə səudilər növbəti günlərdə hasilatı 13 faiz artıra bilərlər ki, bu, da gündəlik 10 milyon barrelə bərabərdir.
Səudi qəzeti Əl-Həyat xəbər verir ki, əlavə neft Çin və başqa Asiya iqtisadiyyatlarına ixrac ediləcək.
Lakin neft bazarında təchizatın artımı xam neftin qiymətini azaltmağa kömək edəcək və bundan bütün istehlakçı millətlər faydalanacaqlar.
Neftin barrelinin 100 dollara qalxması ABŞ və başqa ölkələrdə iqtisadi dirçəlişi yavaşıdıb.