ABŞ-ın Sülh Korpusu İordaniyadan onlarla könüllüsünü çıxarıb, hazırda regionda vəziyyəti nəzərə alaraq ölkədə fəaliyyətini dayandırır.
Agentlik şənbə günü İordaniyadan 37 gənc könüllünün çıxarıldığını bildirib.
Qərar ABŞ-ın Əmmandakı səfirliyinin İordaniya paytaxtında böyük ticarət mərkəzlərində mümkün təhlükələrlə bağlı xəbərdarlığından sonra verilib.
İslam Dövləti qrupunun keçən ilə ərazilərinin bir hissəsini işğal etdiyi Suriya və İraqla həmsərhəd olan İordaniya ABŞ-ın başçılığı ilə militanatlara qarşı hava hücumları həyata keçirən koalisiyanın üzvüdür.
Bu, ikinci dəfədir ki İordaniyada 1997-ci ildən fəaliyyətə göstərməyə başlayan Sülh Korpusu ölkədən öz könüllülərini çıxarır. Proqram 2002-ci ildə Birləşmiş Ştatların İraqa müdaxiləyə hazırlaşdığı zaman dayandırılmışdı. Könüllülər ölkəyə 2004-cü ilə qayıtmışdı.