ABŞ, Səudiyyə Ərəbistanı və Birləşmiş Ərəb Əmirlikləri İslam Dövləti qrupuna qarşı əməliyyatın bir hissəsi olaraq Suriyanın şərq bölgəsinə havadan 13 zərbə endirib.
ABŞ-ın Yaxın Şərqdəki əməliyyatlarına nəzarət edən Mərkəzi Komandanlığın bildirdiyinə görə, hücumlar zamanı yaraqlılara gündəlik 2 milyon dollar gəlir gətirən neftayırma zavodu hədəf alınıb.
Suriya fəalları hücumlar nəticəsində 14 yaraqlı və 5 mülki vətəndaşın həlak olduğunu bildirir.
Britaniyada yerləşən Suriya İnsan Haqlarının Müşahidəsi qrupu hücumların Deir Əl-Zur və Hassakeh ərazilində həyata keçirildiyini xəbər verib.
Eyni zamanda Fransanın qırıcı təyyarələri İraqda yaraqlılara qarşı əməliyyat aparır. Fransanın hökumət sözçüsü hücumları təsdiq etsə də, ətraflı məlumat verməyib.
Fransa vətəndaşının Suriyada başının kəsilməsindən sonra əməliyyatlarda iştrirak edə biləcəyini bildirib. Qeyd edək ki, bu ölkə əvəllər Suriya əməliyyatlarına qoşulmayacağını bəyan etmişdi.
