Dəra vilayətində yeni qarşıdurmaların baş verdiyi məqamda Suriya hökuməti 900-dən çox məhbusu azad edəcəyini bəyan edib. Hökumət bildirib ki, azad edilən 912 nəfərin hökumətin istefası tələb edilən nümayişlər zamanı qətl hadisələrində əli olmayıb. Dövlətə məxsus SANA xəbər agentliyi bu ayın əvvəlindən bəri 1700 nəfərdən çox insan həbsdən azad edildiyini xəbər verir.
Bu arada insan haqları müşahidəçiləri hökumət qüvvələrinin Dəra vilayətində kəndə daxil olduqlarını və oradakı silahlılarla qarşıdurma baş verdiyini bildriblər.